感謝神！可以能夠有事奉機會。想到過去接觸是因為工作，他們都是居住在香港比較生活富裕的南亞朋友。 想到神教導，誰是我的鄰舍。每天在街上，一群為生活打拼的南亞朋友，為我們的生活提供方便，賺取生活費。知道他們很想落地生根，融入香港生活，學習是必須過程，期望可以幫助他們認識香港文化。 [ 成為義工 ]

今日有機會可以探訪安泰邨嘅南亞裔家庭，對於一直喺校園傳福音嘅我係十分新奇嘅同時，同時也感到少少緊張。同大學裡面更approachable嘅學生唔同嘅係，社區的服侍需要我哋更主動踏入這些婦女嘅家中，更需要我哋切身處地思考佢哋面對嘅處境、同社區/群體嘅關係。 感謝神，今日探訪嘅家庭都願意接納我哋，邀請我哋進入佢哋屋企，俾我感受到被接納嘅感動。但我也感受到佢哋同我哋接觸嘅時候嘅hesitation和害羞，讓我更迫切覺得同南亞裔婦女嘅連結係需要invest更多時間和心力，先能夠逐漸打開佢哋心門，從而建立信任嘅關係。 [ 成為義工 ]

參與本地宣教服侍多數只能接觸兒童、婦女、長者，難接觸作為家庭經濟支柱的男子，因為他們大部份時間需要工作養家，平常的探訪、興趣班難提供足夠誘因叫他們放下時間，受人「服侍」。 這次男子中文認字班，體照他們工作時間，決定在晚上舉行，選址是他們平常消遣吃飯的地點。在學習內容上，我按他們的生活需要，度身訂做教材。例如他們大多為外送司機，在選字考量下就挑選在公路常見的字。這樣他們在平日工作環境中也能複習。得知所學的生字在平日也常使用，他們就會專心學習。 透過課堂的觀察了解，巴基斯坦男士熱情、友善。受伊斯蘭文化薰陶，他們樂於和你分享食物。當你坐在他們的旁邊，而他們正在用膳，不意外地你將會被邀請一同進餐。 有一次，一位學生在課堂進行了一半才加入，事後得知，他四處尋找他的證件，懷疑在外送時，留在某大廈管理處忘記取回。他表現緊張，我便主動提出為他祈禱，求主使他失而復得。就這樣我們進行了一次信仰交流，他為禱告一事向我道謝，感恩禱告最後蒙了應允。 雖然來到香港，但他們接觸不到福音，需要我們走入他們的圈子，以溫柔、敬畏的心引導他們認識我們的救贖主。 [ 成為義工 ]    

老實講，我對香港南亞裔（特別係男仔）嘅第一印象並唔好， 皆因我對佢哋嘅印象大多來自唔聽話嘅南亞裔中學同學（即使佢哋係印度裔），而呢個印象喺我成為基督徒之 後並冇改變過… (當然啦，我相信係因為缺乏接觸) 但係透過今次廣東話班，即使係一堂少過兩個鐘頭嘅接觸已經足夠我打破呢個負面印象。 我最記得課堂中我見到「學員」認真聽書同回答問題，甚至用簡單嘅廣東話講笑，亦不時反教導我哋烏都語，不知不覺之間我對佢哋嘅負面印象好似消失咗咁！ 而我深信呢一切都要歸功於與南亞裔更多嘅接觸（即使少過兩個鐘）同上帝嘅加力 [ 成為義工 ]

上堂嘅時候，間唔中會聽到老師 標幾句純正嘅廣東話出嚟，教我哋烏都語嘅老師，自己都好努力學緊廣東話。 成件事，我覺得好夢幻，深深感受到呢個關係喺雙向嘅。大家會為咗成為大家嘅鄰舍而行多一步，透過學習相方嘅語言，拉近彼此嘅關係。希望我哋可以繼續帶住一個願意嘅心，去愛我哋嘅鄰舍。